Përleshje e ashpër mes tifozëve të Chelseat dhe Real Betisit – policia ndërhyu me gaz lotsjellës!
Policia polake dyshohet se është përplasur me tifozët e Chelseat dhe Real Betisit në Wrocław, përpara finales së Ligës së Konferencës që zhvillohet të mërkurën në mbrëmje.
Tifozët e të dyja skuadrave u mblodhën në sheshin rryesor një natë para se ekipet e tyre të përballen për trofeun evropian në Stadion Wrocław.
Por situata doli jashtë kontrollit kur, sipas raportimeve, tifozët u përplasën jashtë një restoranti, përpara se policia të përpiqej të ndërhynte.
Video të publikuara në rrjetet sociale tregojnë tifozë të të dyja skuadrave duke u përpjekur me dëshpërim të mbrohen nga policia, duke hedhur karrige dhe objekte të tjera në drejtim të tyre.
Chelsea and Betis hooligans fighting in Wrocław, Poland 🇵🇱 😂😂. #UECLfinal pic.twitter.com/Uipj00HGrG
— Biodun (@nowbiodun) May 27, 2025
Pamjet e pakëndshme thuhet se ndodhën pas një sërë përplasjesh të vogla mes tifozëve në sheshin Solny, sipas mediave në Poloni.
Meqenëse prania e policisë në zonë ishte tashmë e shtuar për shkak të finales, forcat e rendit mbërritën shpejt në vendngjarje për të shpërndarë turmat.
27.05.2025, Real Betis🇪🇸 – Chelsea🏴, Betis (UF) Riots in centre Wroclaw before tomorrow match, riots stopped by 1312, click here for more: https://t.co/4YI6bJ9HCV pic.twitter.com/cKSb24fFLN
— Hooligans.cz Official (@hooliganscz1999) May 27, 2025
Të pajisur me shkopinj gome dhe mburoja, besohet se policia krijoi një barrikadë për të ndarë tifozët në anën veriore të sheshit kryesor.
Ndërsa objekte të shumta u hodhën në drejtim të tyre, policia vendosi të ndërhyjë dhe, sipas raporteve, përdori gaz lotsjellës ndaj tifozëve.
Fotografi nga vendngjarja tregojnë policë të armatosur duke spërkatur një substancë drejt tifozëve të Chelseat në shesh, teksa këta përpiqeshin të largoheshin nga zona.
