Lexuesja e buzëve zbulon se çfarë i tha Donald Trump lojtarëve të Chelseat gjatë ceremonisë
Një eksperte e leximit të buzëve ka zbuluar saktësisht çfarë i tha Donald Trump, Cole Palmerit dhe skuadrës së Chelseat gjatë festës për Kupën e Botës për Klube.
Pas fitores 3-0 ndaj fituesve të Ligës së Kampionëve, Paris Saint-Germain, në finalen e Kupës së Botës për Klube, Chelsea festoi ngritjen e trofeut në stadiumin ‘MetLife’ të New Jerseyt.
Kapiteni i klubit, Reece James, u bashkua në podium me yllin e ndeshjes, Cole Palmer, i cili shënoi dy gola, si dhe pjesën tjetër të skuadrës së Chelseat.
Por nuk ishte vetëm skuadra e Chelseat në skenë për ngritjen e trofeut, presidenti i SHBA-së, Donald Trump, vendosi të dalë jashtë protokollit dhe të bëhet pjesë e festimeve.
Gjatë ceremonisë, politikani amerikan u pa duke biseduar me disa prej lojtarëve të Chelseat, dhe tani, falë ekspertes së leximit të buzëve, Nicola Hickling (në bashkëpunim me OLBG), dimë saktësisht se çfarë u tha.
Duke folur pas ndeshjes, Palmer pranoi se ishte ‘pak i hutuar’ nga vendimi i Trump për të qëndruar në skenë gjatë gjithë festës.
Sipas Hickling, Palmer, i cili dukej i pavend në prani të presidentit, u kthye dhe tha: “A mund t’i thuash të lëvizë pak më andej?… prit, çfarë po ndodh?”.
Ndërkohë, Trump bëri të qartë se donte të mbante trofeun bashkë me James, por kapiteni i Chelseat iu përgjigj qetësisht: “Unë e kam në dorë këtë”.
Kjo shkaktoi një reagim nga Trump, i cili iu kthye portierit duke i thënë: “Çfarë? Hajde, të vazhdojmë”.
Sanchez, duke kuptuar se Trump nuk kishte ndërmend të largohej nga podiumi, vendosi të marrë situatën në dorë dhe u tha shokëve të skuadrës: “Numërojmë deri në tre, hajde, hajde”
