Përfundon ceremonia e varrimit të Liridona Ademajt në fshatin e saj të lindjes
Trupi i Liridona Ademajt u rivarros sot në fshatin Rracaj të Gjakovës, pasi familja bëri kërkesë për zhvarrosje nga varrezat e fshatit Cërmjan, raporton Gazeta Sinjali.
Ajo fillimisht ishte varrosur në fshatin Cërmjan, por rasti mori rrjedhë tjetër pas arrestimit të burrit të së ndjerës, Naim Murselit, i cili po dyshohet se kishte porositur vrasjen e saj.
Në varrim kanë marrë pjesë shumë qytetarë, përfshirë edhe ministra e deputetë.
Gjykata Themelore në Prishtinë ia ka caktuar Naim Murselit masën e paraburgimit prej 1 muaji e po ashtu edhe dy të dyshuarve të tjerë.
Murseli është i dyshuar për organizim të vrasjes, Granit Plava është i dyshuar për kryerje të vrasjes dhe Kushtrim Kokalla, pjesëtar i Forcës së Sigurisë së Kosovës, është i dyshuar për shkak të veprës penale, marrëveshja për të kryer veprën penale, vrasje e rëndë.
