Pensionohet aktorja, Mejreme Berisha – merr urime pafund
Është pensionuar aktorja e Teatrit të Qytetit të Gjilanit, Mejreme Berisha.
Me këtë rast ajo ka pranuar urime të panumërta nga familjarë të saj, miq e admirues të shumtë të veprimtarisë dhe krijimtarisë së saj ndër vite e dekada në teatër.
Njëri nga urimet më të veçanta ishte ai i institucionit ku znj. Mejreme Berisha kaloi pjesën më të gjatë të karrierës së saj profesionale – Teatrit të Qytetit të Gjilanit.
“Sot urojmë nga zemra aktoren tonë të dashur, Mejreme Berisha, e cila sot hyn në pension pas një jete të tërë të përkushtuar skenës dhe Teatrit të Gjilanit. Faleminderit për artin, njerëzinë dhe gjurmën që ke lënë te të gjithë ne. Skena do të mbajë gjithmonë dritën tënde”, ka shkruar në faqen e saj ky institucion.
Urime, Mejreme! 
