Parashikimi i motit për sot dhe 4 ditët e ardhshme
Pas temperaturave të larta që kanë përfshirë Kosovën ditët e fundit, sipas të dhënave të Institutit Hidrometeorologjik, kjo javë do të karakterizohet me mot më të paqëndrueshëm.
Pritet të ketë vranësira të herëpashershme me intervale dielli, ndërkohë që do të ketë reshje shiu të shoqëruara me shkarkime rrufesh.
Temperaturat maksimale do të arrijnë deri në 31 gradë Celsius, duke sjellë një lehtësim të ndjeshëm nga i nxehti i fundit.
Parashikimi i plotë i motit për pesë ditët e ardhshme:
E hënë: Moti do të jetë i vranët dhe me intervale me diell. Vranësirat do të shoqëruara me reshje shiu dhe shkarkime rrufesh. Temperaturat minimale: 15 – 18°C. Temperaturat maksimale: 27-31°C. Era: e lehtë dhe lokalisht e forte nga drejtimi i veriperëndimit.
E martë: Moti me diell dhe vranësira të shpërndara. Vende-vende priten riga shiu. Temperaturat minimale: 14 – 17°C. Temperaturat maksimale: 25 – 28°C. Era: nga veriperëndimi, 1–8 m/s.
E mërkurë: Moti me diell dhe vranësira të shpërndara. Temperaturat minimale: 13 – 17°C. Temperaturat maksimale: 24-27°C. Era: kryesisht nga verilindja, 1–4 m/s.
E enjte: Moti me diell dhe vranësira të pakta. Vranësirat parashihen te dendësohen dhe të sjellin riga shiu. Temperaturat minimale: 14 – 16°C. Temperaturat maksimale: 25-27°C. Era: nga verilindja, 1–5 m/s.
E premte: Moti me diell dhe vranësira të shpërndara. Vranësirat parashihen që vende-vende të sjellin riga shiu. Temperaturat minimale: 13-15°C. Temperaturat maksimale: 25-27°C. Era: e lehtë deri mesatare nga veriperëndimi.
