Paraqitja e suksesshme e ekipit të Kosovës në takimet jubilare XL të zgjidhësve dhe sajuesëve të gjëzave të Kroacisë – Rabac 2024
Prej 26-28 prill 2024, në HOTELIN “HEDERA”të RABAC-it (emërtimi i vjetër: ALBONA)të Kroacisë u mbajtën Takimet jubilare (40-ta) të sajuesëve dhe zgjidhësve të gjëzave( SOZAH 2024).Organizator të Takimeve ishte Federata e Gjëzasajuesve të Kroacisë.
Garat në sajimin e gjëzave u mbajtën më herët, duke shpallur konkurs në portalin e (dhe ndonjë portal tjetër) Federatës kroate, në disa kategori (fjalëkryq, rebus, figurë magjike dhe gjëza poetike), ku sajuesit ishin të obliguar që në llojet e gjëzave të parapara duhej të shënoheshin disa terme që lidheshin me rajonin ku mbahen Takimet – Istria.
Në këto Takime, sikurse dhe më parë, u ftuan gjëzasajuesit shqiptarë. Në garën e sajuesve të gjëzave me krijimet e tyre morën pjesë Skender Tullumi, Mensur Mamuti dhe Sadri Husmani. Pas vlerësimit të gjëzave të sajuara Juria shpalli renditjen e përgjithshme të fituesve ( shih tabelën e mëposhtme , e dërguar nga Mensur Mamuti).
Në këto Takime jubilare,gjëzasajuesi ynë SkenderTullumi, zuri vendin e dytë në kategorinë e gjëzës – figurë magjike.
DISA FJALË PËR RABAC-IN – emërtim i vjetër : ALBONA – vendi i mbajtjes së Takimeve të 40-ta të zgjidhësve të Kroacisë
Rabac dhe LABINI (emërtim i vjetër Albona) është një qytet turistik kroat në Gjirin e Kvarnerit, në juglindje të Labinit, në Istria, gadishull magjik i ndërfutur në adriatikun e nxehtë, (marrë nga udhëzuesi i Bashkësisë turistike të Labinit, 2024).
Port i gjatë,i vogël peshkimi, Rabac është zmadhuar në vitet 1970-të në një qytet turistik me vila dhe ndërtesa apartamentesh të shumta. Festivali i Rabacit është një festival i përvitshëm i muzikës elektronike që mbahet atje prej shumë vitesh, 3000 njerëz morën pjesë në vitin 2002!
Deri në fund të shekullit të 19-të, Rabac ishte një fshat i vogël peshkatarësh. Eksploruesi britanik Richard Francis Burton e vizitoi fshatin në vitin 1876 dhe e përmendi atë në librin e tij “The Seaboard of Istria.”
Rezidenca e parë verore u ndërtua në atë kohë nga familja Prohaska, por u shkatërrua më vonë gjatë Luftës së Dytë Botërore. Hoteli i parë në Rabac, i quajtur Quarnaro, u hap më 11 qershor 1889.
Në Takime ishte planifikuar të shkonte ekipi në përbërje të Zijadin Hasani, Skender Tullumi dhe Mensur Mamuti, mirëpo për shkak të pasaportës M.Mamuti nuk mundi të vinte. Morën pjesë mbi 80 gjëzasajues dhe dashamirë të gjëzave.
Të premtën , 26 prill, në ora 21.00, filluan Garat në zgjidhjen e gjëzave “ Ҫvor open”, organizuar nga gjëzakuptuesi i njohur Stjepan Horvat, themelues i SHE “Ҫvor” e Bjellovarit. Kurse të shtunën në ora 10.00, zyrtarisht hapen Takimet jubilare, 40-ta të zgjidhësve dhe sajuesve të gjëzave. Në ora 10.30 – 12h u mbajtën garat në zgjidhjen e gjëzave dhe pas saj gara në zgjidhjen e gjëzave logjike.
Storje suksesi i këtyre Takimeve ishte prezantimi i enigmatikës shqiptare nëpërmjet të botimeve tona, revistës Horizonti dhe librit shqip enigmologjik, të botuar sivjet nga autori dr. Zijadin V.Hasani, njëri ndër themeluesit kryesot të SHE “Ndre Mjeda”( Gjilan, 1980).
Zijadin Hasani, kryeredaktor i revistës “Horizonti”, shpërndau disa numra të revistës që doli sivjet dhe zhvilloi bisedë me gjëzasajuesit e pranishëm për librin e ri enigmologjik, gjithashtu i botuar në janar të 2024, “RROKJEKRYQ MAGJIK 5 X 5 DHE 6 X 6”, i cili zgjoi interesim te njohësit e gjëzakuptimit apo enigmatikës, siç janë J. Nediq, Slavko Bovan, Stjepan Horvat, Nedelko Nediq, Zhivko Barishiq, Boris Nazanski, me qenë se në këtë libër janë krijuar rrokjekryqe që paraqesin, jo vetem rekorde kombëtare.
Në mbrëmje u shpallën fituesit e të gjitha kategorive të gjëzave dhe u debatua për çështje të ndryshme të gjëzakuptimit, organizimit të manifestimeve enigmologjike e popullarizimin e kësaj lëmie specifike të krijimtarisë.
Në këto gara, Zhivko Barishiq nga Rijeka u shpall kampion i Kroacisë në sajimin e gjëzave, i dyti M. Mihaleviq nga Omishi dhe Pero Galogazha i treti. Ekipi “Ҫvor” nga Bjellovari i pari, pastaj ekipi i Kikindës dhe Rashqica e Omishit.
Në zgjidhjen e gjëzave kampion ishte P. Galogazha nga Bjelovari, pas tij Nebojsha Dragimiroviq nga Banja Luka dhe Zhelko Jandragiq nga Bjellovari.
Kjo ngjarje enigmologjike është një shembull i ndërlidhjes së enigmatikës dhe turizmit, me gjasë i huazuar nga modeli italian i organizmit të këtyre takimeve, të garave, të gjëzasajuesve dhe dashamirëve të gjëzave.
InfoNdreMjeda zhasani
