Osmani takohet në Francë me shefin e Google, Sundar Pichai
Presidentja e Kosovës, Vjosa Osmani po qëndron në Paris të Francës në kuadër të Samitit ndërkombëtar për veprim mbi Inteligjencën Artificiale (AI).
Presidentja Osmani atje ka takuar edhe shefin e Google, Sundar Pichai.
Madje, në një moment, Pichai i bën edhe foto Presidentes Osmani.
Në prag të këtij samiti, ka njoftuar se mori pjesë në një darkë të shtruar nga presidenti francez, Macron, në pallatin Elysee krahas liderëve të tjerë botërorë.
Osmani tha se momente si këto forcojnë lidhjet diplomatike e ekonomike dhe hapin mundësi të reja për bashkëpunim.
