Osmani nesër pret në takim nënsekretaren amerikane të Shtetit, pritet të nënshkruajnë një marrëveshje
Presidentja e vendit, Vjosa Osmani, gjatë ditës së nesërme do ta presë në takim nënsekretaren amerikane të Shtetit, Elizabeth Allen. Takimi do të zhvillohet në orën 09:00.
Ato do të nënshkruajnë një marrëveshje mirëkuptimit ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja.
Pritet të ketë edhe deklarime për media.
“Në orën 09:00, Presidentja e Republikës së Kosovës, Vjosa Osmani pret në takim Nënsekretaren e SHBA-ve për Diplomacinë Publike, Elizabeth Allen. Mediat do të marrin pamje në fillim të takimit, ndërkaq më pas edhe në nënshkrimin e marrëveshjes së mirëkuptimit ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja. Pas nënshkrimit të marrëveshjes, Presidentja Osmani dhe Nënsekretarja Allen do të deklarohen për media”, thuhet në njoftim.
Nesër, nënsekretarja Allen do të takohet edhe me kryeministrin Albin Kurti. Takimi me kryeministrin Kurti do të zhvillohet, në ora 10:15, është bërë e ditur në një njoftim nga kryeministria.
