Nora Gjakova i sjell medaljen e dytë të bronztë Kosovës në Kampionatin e Hapur Evropian
Nora Gjakova e ka fituar medaljen e bronztë në Kampionatin e Hapur Evropian të xhudos në Prishtinë.
Gjakova e siguroi fitoren pas tri gabimeve të bëra nga kundërshtarja e saj, Priscilla Gneto.
Kjo ishte medalja e dytë e bronztë për Kosovën në këtë Kampionat, pasi paraprakisht Drilon Cena e fitoi atë ndaj rumunit Petru Pelivan.
Për të fituar medaljen e bronztë në garë është edhe Distria Krasniqi e cila në kategorinë deri në 57 kilogramë do të ndeshet me sllovenen Kaja Kajzer.
