Njoftim mortor! – Ka ndërruar jetë mësuesi i shumë gjeneratave, Fehmi (Behxhet) Sejdiu nga Breznica e Bujanocit me vendbanim në Gjilan
Qytetarë të shumtë nga Breznica e Komunës së Bujanocit, si dhe atyre që jetojnë në Gjilan, Prishtinë e vende perëndimore, në orët e paraditës së të dielës 26 shkurt 2023, morën lajmin e rëndë e të pikëlluar për vdekjen e hershme të pedagogut, mësuesit të shumë gjeneratave, bashkëvendësit të tyre, Fehmi Sejdiu!
I ndjeri, mësuesi Fehmi Sejdiu prej kohësh jetonte në mes të Gjilanit e Breznicës, ndërsa vijonte punën në shkollën e vendlindjes së tij “Migjeni” në Breznicë. Ai për disa dekada punoi me përkushtim permanent në edukimin e brezave, duke nxjerrur gjenerata e gjenerata të tëra, të cilët më pas vijuan shkollimet e studimet e tyre gjithandej.
Arsimtari i nderuar, i ndrojtur e i arsyeshëm në rrethana, fjalëpakë e kuptimplotë, përveç kontributit në arsimin e gjeneratave dhe edukimin e tyre, ishte aktiv në vazhdimësinë organizative të vendlindjes, duke mbështetur në mënyrë permanente të gjitha aktivitetet kulturore, sportive e ato vullnetare, ndaj sot me respekt të pashembullt vlerësohej nga bashkëvendësit e tij, kolegët, miqtë e dashamirët, si dhe gjithë opinioni i gjërë që pati fatin e nderin ta njoh nga afër.
Fehmi Sejdiu ishte zhvendosur me familje në Gjilan disa vite më parë, ku jetoi vitet e fundit të jetës së tij, duke qenë prore pjesë e vazhdimësisë kontinuele të ngjarjeve kulturore që e sportive, të cilat e përshkruanin dhe karakterizonin jetën kulturore në Gjilan e gjetiu.
Faqja zyrtare në rrjete sociale, “Breznica”, përveç tjerash në njoftim potencon disa nga tiparet e shumëta që e karakterizonin e veçonin individualitetin e mësuesit Fehmi Sejdiu:
“Shquhej për cilësi në mësimdhënie dhe elegancë. Aktiv, kreativ dhe produktiv në punë. I dashur për gjenerata me rradhë të cilët sot janë të shkolluar në profesione të ndryshme. I sjellshëm me kolegët e çdo kend në fshat dhe shoqëri. Ikja e tij do jetë një boshllëk vështirë i zëvendësueshëm. I jemi mirënjohës dhe falenderues për kontributin e dhënë për vite me rradhë në shërbim të arsimimit në fshatin tonë”, shkruan veç tjerash faqja zyrtare “Breznica”.
Në njoftimin nga familjarët e të ndjerit bëhet e ditur se ceremonia e varrimit bëhet të hënën më 27 shkurt 2023, në Varrezat e Qytetit në Gjilan.
Nj o f t i m i
Faqja zyrtare Breznica – Njoftim mortor
“Të Allahut jemi dhe tek Ai do të kthehemi”
Sot në orët e paraditës, në moshën 63 vjeçare ka ndërruar jetë mësuesi Fehmi Sejdiu.
Mësuesi Fehmi, ka punuar dekada me rradhë në shkollën fillore “Migjeni” në Breznicë.
Fillimisht kontributin e tij e dha në paralelën e ndarë në Breznicë të Ulët, e më pas edhe në Breznicë të Epërme.
Shquhej për cilësi në mësimdhënie dhe elegancë. Aktiv, kreativ dhe produktiv në punë. I dashur për gjenerata me rradhë të cilët sot janë të shkolluar në profesione të ndryshme. I sjellshëm me kolegët e çdo kend në fshat dhe shoqëri. Ikja e tij do jetë një boshllëk vështirë i zëvendësueshëm. I jemi mirënjohës dhe falenderues për kontributin e dhënë për vite me rradhë në shërbim të arsimimit në fshatin tonë.
Falemnderit shumë, mësuesi Fehmi!
I shprehim ngushëllimet tona më të sinqerta familjes Sejdiu!
Për kohën e varrimit do ju njoftojmë pasi që familja të njoftojë.
Breznicë, 26 shkurt, 2023.
