Njeriu që planifikoi sulm terrorist në “Camp Nou” dënohet me tri vite burg
Një burrë është dënuar me tri vite burg për planifikimin e një sulmi të mundshëm terrorist në stadiumin “Camp Nou” të Barcelonës.
Mohammed Yassin Amrani u akuzua për bashkëpunim me Shtetin Islamik (DAESH/ISIS) për të sulmuar “Camp Nou-n”, me një dron që përmbante një eksploziv, gjatë një ndeshjeje “El Clasico” kundër Real Madridit.
Pas një gjyqi në Gjykatën e Lartë Kombëtare Spanjolle, sipas raporteve nga Diario AS, Amrani pranoi dy akuza në lidhje me vetë-trajnimin dhe vetëindoktrinimin përpara dënimit.
Zyra e prokurorit publik fillimisht kërkoi një dënim me nëntë vjet, për shkak të lidhjes me një organizatë aktive terroriste,
Amrani u vërtetua se kishte filluar një proces të vetë-radikalizimit në vitin 2020 me prokurorët duke iu referuar aktivitetit të tij në internet si provë e planeve të tij për të nisur një sulm.
Në gjykatë u lexuan edhe mesazhe të cilat tregonin komunikim të drejtpërdrejtë me operativët e DAESH/ISIS në lidhje me kryerjen e një sulmi me dron në Kataluni.
