Një pjesë e Dragodanit, gati qe 24 orë pa ujë
Një pjesë e lagjes Dragodan në kryeqytet ka mbetur pa furnizim me ujë që nga mesdita e së hënës.
Ani pse njoftimi i bërë para 19 orëve nga Kompania Ujësjellësit “Prishtina”, qytetarët e asaj zone kanë gati 24 orë pa ujë.
Kompania Rajonale e Ujësjellësit “Prishtina” ka njoftuar se kjo ka ndodhur për shkak të një defekti të papritur në rrjetin e ujësjellësit dhe se po punohet për zgjidhjen e problemit.
Furinizimi pa ujë përfshinë rrugët “Gjergj Balsha” dhe “Ferid Curri”, zonën përreth Ambasadës Amerikane si dhe bizneset përgjatë magjistrales.
Njoftimi i plotë:
Njoftim për ndërprerje të pa planifikuar të furnizimit me ujë
Të nderuar konsumatorë,
Ju njoftojmë se për shkak të një defekti të papritur në rrjetin e ujësjellësit, do të ketë ndërprerje të furnizimit me ujë deri në sanimin e problemit. Pa furnizim me ujë do të mbesin këto zona:
Rr. Gjergj Balsha
Rr. Ferid Curri
Zona përreth Ambasadës Amerikane
Bizneset përgjatë magjistrales, nga rrethi te “Ismeti” deri te “Euro Goma”
Ekipet tona janë në terren dhe po punojnë për sanimin e problemit sa më shpejt të jetë e mundur. Kërkojmë mirëkuptimin tuaj dhe ju falënderojmë për durimin.
Gjithashtu sot gjatë ditës do të intervenohet edhe në disa rrugë të Prishtinës.
