Një i ndaluar për 48 orë, ky besohet se është motivi i vrasjes në Malishevë
Një vrasje ka ndodhur në orët e hershme të mëngjesit të së enjtes në fshatin Banjë e Malishevës.
Lidhur me rastin është deklaruar Prokuroria Themelore e Gjakovës.
Bashkëpunëtori profesional Hekuran Batusha, tha për media se i dyshuari është ndaluar për 48 orë.
“Brenda afatit ligjor do të bëhet edhe kërkesa për caktimin e masës së paraburgimit”,tha Batusha.
Ai theksoi se me kohë do të bëhen të ditura edhe detaje të tjera rreth rastit.
Nga burime mësohet se motivi që ka çuar deri tek vrasja, dyshohet lidhet rreth punës të cilën e kanë bërë dorasi dhe viktima.
