New York-u ka vendosur të nderojë një nga figurat emblematike të Shqipërisë, duke emërtuar në emrin e tij një rrugë
Për herë të parë në Neë York, një rrugë do të mbajë emrin e një heroi shqiptar. Bëhet fjalë për rrugën e cila është emërtuar sipas figurës kryesore emblematike të p[avarsisë së Shqipërisë, Ismail Qemali.
Emërimi i një rruge për heroin shqiptarë Ismail Qemalit në New York nuk është vetëm një nderim për figurën e tij historike, por gjithashtu shënon një hap të rëndësishëm për komunitetin shqiptar në qytetin e madh amerikan.
Shqiptarët janë ndër komunitetet më të rëndësishme dhe më të vjetra të diasporës në Neë York, dhe emërtimi i një rruge me emrin e një heroi kombëtar shqiptar përforcon identitetin dhe pranimin e tyre në këtë qytet.
Siç kanë bërë të ditur Naser Nika, një personalitet i shquar nga komuniteti shqiptar, angazhimi intensiv i tij dhe pjesëtarëve të komunitetit tonë në New york, për të emëruar rrugën e parë në Staten Island në nderim të një heroit shqiptar, do të jetë një ngjarje e madhe për shqiptarët, ndërsa e pazakontë deri më tani në këtë qytet.
Në një ceremoni emocionuese që do të zhvillohet më 3 qershor 2023, komuniteti shqiptar në Staten Island, Neë York, do të festojë momentin historik – emërimin e rrugës “Ismail Qemali”. Ceremonia do të zhvillohet në Miller Field, një park i njohur i Board walk, që ndodhet përball Rrugës Seaview Ave dhe Father Capedaano Blvd, në Staten Island.
Aktivitetet e ceremonisë do të jenë të shumta dhe do të kënaqin të pranishmit me një atmosferë festive.
Komuniteti shqiptar në të gjitha trojet do të mblidhet për të festuar këtë moment të rëndësishëm dhe për të shprehur krenarinë dhe dashurinë për trashëgiminë e tyre kulturore.
Rruga “Ismail Qemali” në New York do të jetë një kujtim i përhershëm i kontributit të tij në historinë e Shqipërisë dhe do të shërbejë si një shenjë e unitetit dhe bashkëpunimit mes komuniteteve shqiptare dhe amerikane në New York.
