Ndërroi jetë veterani i arsimit, mësuesi Haki (Halit) Sadriu
Ndërroi jetë veterani i arsimit, mësuesi Haki (Halit) Sadriu
Ka ndërruar jetë në moshën 92-vjeçare veterani i arsimit, mësuesi Haki (Halit) Sadriu, kanë bërë të ditur familjarët e tij përmes një njoftimi mortor.
“Me dhimbje të madhe njoftojmë familjarët, të afërmit dhe miqtë se u nda nga jeta Mësuesi Haki (Halit) Sadriu”, thuhet në njoftimin e familjes.
Ceremonia e varrimit do të mbahet më 09 dhjetor 2025, në varrezat e qytetit në Gjilan.
I paharruar qoftë kujtimi i tij!
Mësuesi Haki Sadriu ishte nga Ramabuqa e komunës së Bujanocit.
Shkollën fillore e kreu në Muhovc, të mesmen në Gjilan, Shkollën Normale në Prishtinë dhe studimet e larta në Prizren.
Gjatë karrierës së tij, ai dha një kontribut të çmuar në procesin edukativo-arsimor, duke shërbyer me përkushtim në shkollat e fshatrave: Dazhnicë, Hogosht, Kopërnicë, Zarbincë, Novosellë, Ramabuqë, Suharrë dhe Muhovc.
Në vitin 1996 ai u pensionua pas një pune shumëvjeçare në arsim.
