Ndërroi jetë, Selami Rashiti, punëtor i dalluar i NPL Tregu – Gjilan

Me dhimbje të thellë morëm lajmin për ndarjen nga jeta të punëtorit tonë të respektuar, Selami Rashiti.

Selamiu ishte një shembull i përkushtimit, ndershmërisë dhe punës së palodhur në shërbim të ndërmarrjes dhe komunitetit tonë. Kontributi i tij i çmuar do të mbetet gjithmonë i vlerësuar dhe i paharruar nga kolegët dhe gjithë stafi i NPL “Tregu” Sh.A

Në emër të gjithë kolektivit të Ndërmarrjes Tregu, shprehim ngushëllimet më të sinqerta për familjen Rashiti, miqtë dhe të afërmit. Qoftë i përjetshëm kujtimi për të!