Ndërpritet rrugëtimi i filmit “Zgjoi” për “Oscars 2022”
Që nga premiera në Festivalin e Filmit Sundance, në janar 2021, prodhimi kosovar “Zgjoi” ka fituar plot 16 trofe. Deputimi i parë me metrazh të gjatë i Blerta Bashollit rrëfen historinë e të “Vejave të Krushës”.
Deklarata e aktore kryesore :
“Zgjoi” që e punuam me shumë pasion e përkushtim, na hapi dyer e na e mundësoi jo vetëm të kemi shpërthim ndërkombëtar në karrierat tona, por edhe ta promovojmë Kosovën e suksesin e grave të Kosovës! “Zgjoi” na solli gëzim e na bëri krenarë të gjithëve dhe shkroi histori te re për kinematografinë tonë! Ishte dhe mbetet rrugëtim i bukur e i paharruar, për të cilin jam shumë falenderuese! Falemnderit shumë që u gëzuat për ne e për dashurinë e përkrahjen e jashtëzakonshme që na e keni dhënë tash e një vit! Jam e bindur që në vitet në vijim filmi kosovar do të bëjë histori duke u nominuar e fituar në edicionet e ardhshme të Akademisë. Kosova ka shumë talent e rrëfime autentike të cilat duhet t’i tregojmë! Edhe njëherë falemnderit nga zemra!
Vlen te theksohet se “Zgjoi” është filmi i parë artistik i Bashollit. Krahas Kosovës, në të kanë marrë pjesë edhe Zvicra, Shqipëria dhe Maqedonia e Veriut. Që nga premiera botërore, në janar 2021, në Festivalin e Filmit Sundance, “Zgjoi” ka fituar 16 trofe. Ai është i vetmi film nga Ballkani Perëndimor i përzgjedhur në listën e ngushtë për çmimin më të rëndësishëm kinematogragik, Oscar.
