Ndalohen në hyrje të Serbisë, kryetari i Gjilanit Alban Hyseni
Hyseni bashkë me deputetin Luan Aliu janë ndaluar në hyrje të Serbisë, në pikën e kalimit te “Dheu i Bardhë”.
Kryetari i Gjilanit, Alban Hyseni, deputeti Luan Aliu, kryetari i Kuvendit Arianit Sadiku, si dhe drejtori i Kadastrit në Gjilan, Bekim Salihu, janë ndaluar në nga autoritetet serbe te “Dheu i Bardhë”.
Lajmin e ka konfirmuar Zyra për Media e VV-së.
“Ata janë ndaluar rreth orës 14:00. Të njëjtit janë ndaluar te pikëkalimi kufitar, “Dheu i Bardhë”, nga policët kufitarë serbë, derisa ishin duke kaluar kufirin për në Preshevë”.
Ndërsa në njoftimin e fundit për TV Gjilani nga Kabineti i kryetarit Hyseni bëhet e ditur se tanimë kreu i komunës së Gjilanit Alban Hyseni ka kaluar kufirin dhe gjendet në fshatin Tërnoc të Bujanocit, ku po merrë pjesë në një ceremoni varrimi, shkruan TV Gjilani News.
LEXO EDHE:
Ndërsa në orët e pasdites lajmin e ka konfirmuar përmes rrjeteve sociale edhe vet kreu i Gjilanit Alban Hyseni, i cili ka saktësuar arsyen e vizitës në bujanoc, e që sipas tij ndërlidhet me një ceremoni varrimi në fshatin Tërnoc.
“Rrugës për Bujanoc, në ngushëllime për humbjen e vëllaut tek kolegu im, Kryetari i komunës së Bujanocit Nagip Arifi, bashkë me deputetin e Kuvendit të Republikës së Kosovës, Luan Aliu dhe Kryesuesin e Kuvendit Komunal të Gjilanit, Arianit Sadiku, u ndaluam nga autoritetet serbe në pikën kufitare të Dheut të Bardhë. Pas më shumë se 2 orë pritje, na u lejua të vazhdojmë udhëtimin tonë, pa na u dhënë asnjë arsye se pse jemi ndalur në këtë pikë kufitare. Ata të diskriminojnë e të ndalin në kufinjë pa arsye, duke përdorur figura politike e qytetarë për tensionimin edhe më tej të situatës së brishtë që gjendemi tani”, ka shkruar Hyseni.
