“M’ke bo nervoz, mos u trullo”, kështu e qortoi Rita Orën nëna e saj pasi performoi në skenë me flamurin serb
Rita Ora ka qenë sot (e diel), kryetema e ditës, pasi ajo u shfaq duke mbajtur flamurin e Serbisë në një koncert në Hungari.
Për këtë gjest të saj, Rita u sqarua, duke thënë se nuk e kishte vërejtur derisa ishte në skenë, por pavarësisht kësaj, përsëri ajo u kritikua mjaftë shumë, por pati edhe të atillë që e mbështetën.
E një kritikë mjaftë të ashpër, Rita e ka marrë nga nëna e saj, Vera.
“Ritë, m’fal t’kom bërtit shumë, po m’ke bo nervoz! Mos u trullo”, është qortimi që publikisht ia ka bërë Vera bijës së saj, Ritës.
Theksojmë se Rita ka deklaruar se është shqiptare krenare dhe se qëllimi i saj nuk ishte mosrespekti ndaj popullit të saj.
“Mbrëmë gjatë performancës në Festival SZIN në Hungari, mu dha një flamur nga një fans i ri. Prej ndriçimit direkt në sy e në skenë, nuk pashë qartë se cilin shtet përfaqësonte flamuri. Sapo dola nga skena, kuptova se ishte një flamur serb e jo hungarez. Përderisa i mbështes të gjithë fansat e mi, nga të gjitha vendet dhe kulturat, dua të bëjë shumë të qartë se jam një shqiptare krenare e Kosovës, dhe nuk ishte qëllimi im të mos respektoja trashëgimin time, ose të mërzisja popullin tim ose familjen time”, është shprehur Rita.
