Mjekët kardiologë mblidhen në Kongresin e tetë në Kosovë
Ka nisur punimet Kongresi i tetë i Shoqatës së Kardiologëve të Kosovës në Prishtinë.
Hapja e kongresit është bërë nga kryetari i Shoqatës Prof. Gani Bajraktari, ndërsa kanë marr pjesë edhe Prof. Sefedin Muçaj – Dekan i Fakultetit të Mjekësisë, Thomas Luscher – Kryetar i Shoqatës së Kardiologëve të Evropës, përfaqësues të SHSKUK-së, etj.
Kongresi do të mbahet sot dhe nesër në Hotelin Emerald në Prishtinë.
Në këtë ngjarje do të marrin pjesë ligjërues vendor dhe ndërkombëtar.
Kongresi është akredituar nga Oda e Mjekëve të Kosovës me 20 pikë për pjesëmarrësit pasivë, dhe 25 pikë për pjesëmarrësit aktivë. /Gazeta Shneta/
