Ministri në detyrë, Xhelal Sveçla në fushatën zgjedhore të LVV-së në Gjilan: “Mbështetja e Qeverisë Kurti do të vazhdojë edhe në mandatin e ri”
Ministri në detyrë i Ministrisë së Punëve të Brendehsme, Xhelal Sveçla, ka qëndruar sot në Gjilan në kuadër të fushatës zgjedhore që LVV po zhvillon nga data 17 dhjetor, kur ka filluar zyrtarisht kjo fushatë.
Sipas njoftimit në faqen e LVV-së në Gjilan, bëhet e ditur se z. Xhelal Sveçla, bashkë me kandidatët e LVV-së këtij subjekti kanë vizituar lokalitete të ndryshme, përfshirë lagjen e Rrugës së Prishtinës.
NJOFTIMI:
Sot patëm nderin të presim ministrin e Punëve të Brendshme, Xhelal Sveçla, së bashku me banorët e Rrugës së Prishtinës, në një bashkëbisedim rreth sukseseve të Qeverisë Kurti në aspektin e sigurisë dhe rendit.
Në takim morën pjesë edhe kandidatët për deputet, ndërsa mbështetja e Qeverisë Kurti për Komunën e Gjilanit do të vazhdojë edhe në mandatin e ri.
