Mërgimtari nga Franca s’e lë rehat ish të fejuarën në Lipjan, ia shpërndan fotot nudo te vëllai dhe motrat e saj
Shpesh herë të rinjtë e kanë të vështirë të pranojnë ndarjen nga partnerët e tyre. Ata nuk zgjedhin mënyra për të provuar që të kthehen sërish bashkë, e madje nuk i kursejnë as kërcënimet e shantazhet ndaj tyre.
Për një rast të tillë që ka ndodhur në fshatin Dobrajë e Vogël e Lipjanit, Prokuroria ka nisur hetimet.
Bëhet me dije se një 29-vjeçare është në hall me ish të fejuarin e saj, i cili pas ndarjes, ka shkaktuar vazhdimisht telashe.
Bazuar në dëshminë e saj, i dyshuari që jeton në Francë, ka shpërndarë fotografitë e saj intime te vëllai dhe motrat e saj dhe e ka kërcënuar që nëse nuk rikthehen bashkë, këto veprime do t’i bëjë vazhdimisht.
Si rezultat i denoncimit, njësitë policore kanë marrë të gjitha veprimet hetimore, teksa me urdhër të prokurorit rasti është cilësuar ‘Dhunë në familje’. Ndërsa veprimet tjera ligjore do merren posa të sigurohet prezenca e të dyshuarit për intervistim.
