![Më në fund edhe Ronaldo thyen heshtjen për situatën e shumëpërfolur me Bruno Fernandes](https://tvgjilani.com/wp-content/uploads/2022/11/0_Untitled-design-20-780x439-1.png)
Më në fund edhe Ronaldo thyen heshtjen për situatën e shumëpërfolur me Bruno Fernandes
Cristiano Ronaldo është personi më i komentuar aktualisht në botën e futbollit, kjo për shkak të intervistës me Piers Morgan, ku foli shumë gjëra rreth asaj që ai po përjeton aktualisht te Manchester Unitedi.
![](https://tvgjilani.com/wp-content/uploads/2024/04/vali-ranch-2.jpg)
Menjëherë qarkulluan shumë lajme në mediat botërore, disa prej tyre raportuan se bashklojtarët e CR7 te Djajtë e Kuq janë të prekur nga fjalët e Cristianos.
Nisur nga kjo, një video e publikuar nga ekipi i Portugalisë në rrjetet sociale, shfaqi Ronaldon dhe Buro Fernandesin në një ‘përshëndetje të ftoftë’, e cila menjëherë u aludua nga të gjithë si një prishje e marrëdhënieve.
Por, pesë herë fituesi i Topit të Artë ka qartësuar situatën, duke thënë se reagimi i Brunos erdhi nga një shaka e tij dhe jo nga situata e krijuar pas intervistës.
“Aeroplani i tij u vonua dhe unë e pyeta se a erdhi ai me varkë. Ju lutem, mos i pyesni lojtarët për mua, por për Kampionatin Botëror”, ka thënë Ronaldo.
Kujtojmë se Portugalia është në grup me Urugain, Ganën dhe Korenë e Jugut.
![](https://tvgjilani.com/wp-content/uploads/2023/11/libertas2.jpg)