![Mbahet punëtori dy ditore për Planin e Veprimit 2024/2025](https://tvgjilani.com/wp-content/uploads/2024/06/foto-1-850x560.jpg)
Mbahet punëtori dy ditore për Planin e Veprimit 2024/2025
Universiteti Publik “Kadri Zeka” në Gjilan, ka organizuar punëtori dy ditore për hartimin e Planit të Veprimit 2024/2025.
![](https://tvgjilani.com/wp-content/uploads/2024/04/vali-ranch-2.jpg)
Grupi i punës për Planin e Veprimit i përbërë nga Rektori, Prorektorët, Dekanët e Fakulteteve, Drejtorë të zyrave, udhëheqës, profesorë dhe zyrtarë tjerë të universitetit, u angazhuan në mënyrë aktive në një proces konsultativ.
![](https://tvgjilani.com/wp-content/uploads/2024/06/666.png)
Punëtoria u fokusua në planifikimin e aktiviteteve për vitin 2024/2025. Plani i veprimit siguron jo vetëm zhvillimin e aktiviteteve të parashikuara, por edhe cilësinë e zbatimit të tyre.
Plani i veprimit është rrjedhojë e Planit strategjik të universitetit publik “Kadri Zeka” në Gjilan, ku janë caktuar 5 objektivat strategjike të tij: – ofrimi i programeve cilësore të studimit në lidhje me kërkesat e tregut dhe zhvillimin social, zhvillimi i veprimtarisë shkencore për përmirësimin e cilësisë së studimeve dhe inovacionit, ndërkombëtarizimi si element i zhvillimit të brendshëm, krijimi i kushteve infrastrukturore për mësim cilësor, si dhe zhvillimi i praktikave efektive të menaxhimit, të cilat më pas zbërthehen në objektiva specifike ku përcaktohen aktivitetet të cilat monitorohen përmes treguesve të performancës.
![](https://tvgjilani.com/wp-content/uploads/2023/11/libertas2.jpg)