Lutja e Mëngjesit në Parlamentin Europian, për herë të parë në shqip
Për herë të parë në Parlamentin Europian Lutja e Mëngjesit u bë edhe në gjuhën shqipe
Në përvjetorin e 26-të Lutja e Mëngjesit në Parlamentin Europian Lutja e Mëngjesit në gjuhën shqipe u lexua në shqip nga Don Kastriot Idrizi Gjoni, përgjegjës i bashkësisë Katolike Shqiptare në Belgjikë.
Ceremonia e Lutjeve të Mëngjesit Europian, mbajtur në ambientet e Parlamentit Europian dhe e organizuar nga eurodeputetët Lukas Mandl dhe Catharina Rinzema, mblodhi qindra deputetë anembanë botës, prijës fetarë, e personalitete të ndryshme të artit, kulturës e shkencës.
Lutja e Mëngjesit e këtij viti u mbajt në kohën kur bota dhe njerëzimi aktualisht po përballen me konflikte dhe kriza të ndryshme sigurie, andaj mesazhet e lutjeve iu drejtuan liderëve shtetëror që paqja dhe humanizmi të mbizotërojnë.
Don Kastriot Idrizi, në lutjen përmbyllëse të këtij organizimi u bëri thirrje Evropës, botës mbarë dhe të gjithë liderëve, Hyji t’ua drejtoj mendjen dhe zemrën sipas vullnetit të tij, për ti kërkuar shtigjet e guximshme drejt paqes së vërtetë, në mënyrë që përparimi i kombeve, liria, besimi, respektimi i emigrantëve dhe kujdesi ndaj tokës të jenë fokusi ynë kolektiv dhe i ftoi të gjithë pjesëmarrësit që lutjen drejtuar Atit, të bëjnë në gjuhën e tyre amtare.
