LRFGJ – U15: – Drita ndonëse pëson disfatë, ruan pozitën e liderit në tabelë
Gjatë fundjavës së kaluar janë zhvilluar ndeshjet e javës së 10-të të kategorisë U-15 të Lidhjes Rajonale të Futbollit – Gjilan.
Befasi e kësaj jave ishte humbja e skuadrës lidere në tabelë, Drita U-15 me rezultat minimal nga Galaksia (1:0).
Në ndeshjet tjera të zhvilluata këtë fundjavë, u shënuan rezultate kryesisht të pritura. Gjilani shënoi fitore ndaj skuadrës GS Gjilani U-15, Ndërsa Kika pësoi disfatë të thellë 0:5 nga Kosova e Vitisë në udhëtim.
“Yjet 06” kanë dëshmuar supremacinë e tyre ndaj skuadrës së formuar rishtazi këtë edicion garues – Don Bosko (8:0), ndërsa Drita B ka shënuar poashtu fitore ndaj shkëndijës (3:1).
Rezultate – Paraqitje grafike
Tabela pas javës së 10-tw në kreun e saj nuk ka pësuar ndryshime, përkundër disfatës së Dritës e cila vazhdon të kryesoj me 24 pikë e pasuar nga Gjilani dhe Kosova e Vitisë që kanë tubuar poashtu nga 24 pikë.
Kika nga Hogoshti në këtë kategori është në pozitën e 4 me 16 pikë, sa kanë edhe Arbëria e Presing në pozitat 5 dhe 6.
Në vendin e 7-të aktualisht gjendet Shkëndija me 15 pikë, e pasuar nga Drita B në pozitën e 8-të dhe Galaksia në pozitën e 9-të me nga 12 pikë.
Kategorisë së skuadrave që cilësohen të rrezikuara në fundin e tabelës i prinë GS Gjilani në pozitën e 10-të me 7 pikë, e pasuar nga Yjet 06 me 5 pikë në pozitën e 11-të, si dhe Dardana me 4 pikë në vendin e 12 dhe Don Bosko pa pikë në pozitën e fundit, atë të 13-të.
