Lorik Ilazi mbyll një kapitull të suksesshëm me përfaqësuesen

Trajneri i KV Drita, njëherit reprezentacionit të Kosovës në kategorinë e femrave në volejboll, Lorik Ilazi, është shprehur mirënjohës ndaj bashkëpuntorëve të tij në rrugëtimin e suksesshëm që ka kaluar gjatë viteve e dekadave paraprake.

“Të nderuar miq, bashkëpunëtorë dhe volejboll dashës: – Në rrugëtimet që njerëzit i bëjnë në jetë apo karrierë, mirënjohja shkon për njerëzit që na janë bashkuar për t’i realizuar me sukses ato. – Andaj në secilin rrugëtim, unë shpreh konsideratën dhe mirënjohjen e thellë për secilin prej jush”, tha fillimisht Ilazi.

Ai paralajmëruar njëherit tërheqjen nga drejtimi i Kombëtares së Volejbollisteve të reja, duke njoftuar se do të rikthehet me tërë potencioalin te klubi i filleve të karrierës së tij, KV Drita, të cilin klub e cilëson “klub të zemrës!”.

“Por sot i vie koha, që një rrugëtimi t’ia shënojmë fundin. – Angazhimi im në Kombëtaren e të rejave, më ka sjellë energji, disponim e motiv, duke i parë talentët e rinjë sesi rriten. – Por në një kohë kur fokusi vendoset më shumë te klubi im i zemrës, KV Drita, dhe vitet në vazhdim te Kombëtarja A e vajzave (këtë vitë e dua komplet të qetë). – Është vështirë të shkruash këta rreshta, por me përvojën dhe dashurinë time për volejbollin, do të mbetem afër jush sa herë që lind nevoja”, ka shkruar ai.

Ilazi më tej është shprehur falënderues e mirënjohës ndaj Federatës së Volejbollit të Kosovës, si dhe menaxhmentin e këtij institucioni, përfshirë akterët e përbërjes së ekipit përfaqësues.

“Dua të falënderoj Federatën e Volejbollit të Kosovës, presidentin Bahri Gjinovci, sekretarin Valon Nikqi anëtarët e bordit, bashkëpunëtorët, vajzat që kanë kaluar nëpër Kombëtaret e të rejave dhe secilin individ që na ka qëndruar afër dhe ka besuar në punën tonë”, shtoi ai.

Trajneri i mirënjohur në fund ka potencuar se nga sot mbyllet një kapitull i bukur për të, duke uruar simbolikisht mundësi të reja me hapje të kapitujve të rinjë bashkëpunues, për siç thot, “sporti më të dashur, – volejbollin.”