Leotrim Rexhepi nokauton boksierin hungarez
Leotrim Rexhepi ka nokautuar në raundin e dytë boksierin hugarez Istvan Kovacs, në meqin e zhvilluar në palestren “Bashkim Selishta – Petriti” në Gjilan.
23 vjeqari Rexhepi në raundin e parë e solli dy herë në “knock down” hungarezin Kovacs, por gongu ishte shpëtimi i tij.
Por, në fillim të raundit të dytë boksieri Rexhepi me goditje të njëpasnjishme e plandos në dysheme boksierin Istvan Kovacs.
Rexhepi edhe njëherë tregoi se ka talent të madh në mes ringut dhe me të drejt është prespektiv e boksit Kosovar.
“Isha i vetëdishëm se përballë do të kem një boksier shumë të forte,por isha i përgaditur maksimalisht për këtë meqë dhe ja arrita qëllimin që kasha. Këtë fitore i’a dedikoj familjës sime e cila më përkrah në çdo hap, poashtu fitoren ia dedikoj heroit të kombit Agim Ramdanit-Katana dhe të gjithë atyre që më ndihmuan për këtë meq të rëndësishëm për karierën time. Unë ju premtoj se edhe në të ardhmen do t’iu gëzoj me fitore”, theksoi pas meçit Rexhepi.
Për Leotrim Rexhepin, kjo ishte ndeshja e dytë në boksin profesionist, duke shënuar poaq fitore.
