Lamtumirë mes lotësh për bashkatdhetarin që humbi jetën tragjikisht në Zvicër: Gjilani i jep lamtumirën Fadil Halitit

Me dhimbje të thellë, mall e lot, familjarë, miq e bashkëqytetarë i dhanë lamtumirën e fundit Fadil Halitit, i cili humbi jetën tragjikisht në një aksident të rëndë trafiku në Zvicër.

Në një atmosferë të rëndë emocionale në Gjilan, kortezhi i gjatë i përcjelljes dëshmoi respektin dhe dashurinë për të ndjerin, i cili prej vitesh jetonte dhe vepronte në Zvicër, duke mbajtur gjithmonë lidhje të forta me vendlindjen. Humbja e tij la të tronditur jo vetëm familjen, por edhe rrethin e gjerë shoqëror.

Sipas të afërmve, Fadili humbi jetën në një aksident ku u përfshinë disa automjete, ndërsa ai mbeti viktima e vetme në vendin e ngjarjes. Pas vetes la bashkëshorten dhe tre fëmijët – dy djem dhe një vajzë – të cilët jetojnë në Zvicër, duke lënë një boshllëk të madh në familje.

Mes lotëve dhe dhimbjes, të pranishmit kujtuan Fadilin si një njeri të urtë, punëtor dhe të dashur, i cili la gjurmë të pashlyeshme te të gjithë ata që e njohën.

Familja Haliti ka njoftuar se e pamja do të mbahet për tri ditë, nga 27 deri më 29 prill, nga ora 09:00 deri në 17:00, në restorantin “Luli” në Gjilan, ku të afërmit dhe miqtë do të kenë mundësi të ndajnë dhimbjen dhe të shprehin ngushëllimet e tyre.

“All-llahu e mëshiroftë dhe e shpërbleftë me Xhenet.”