Lajmi i Fundit: Vdes profesori i meteorologjisë, Sylë Tahirsylaj
Pasditen e së dielës ka ndërruar jetë profesori i meteorologjisë, Sylë Tahirsylaj.
Lajmin e kanë bërë të ditur familjarët e tij në rrjete sociale.
“Miq, familjarë të dashur ju njoftojmë që babai ynë Prof. Dr.sci. Sylë (Ramë) Tahirsylaj papritmas ndërroi jetë para pak çastesh. Për detaje te varrimit ju njoftojmë!”, ka njoftuar në Facebook e bija e meteorologut.
Tahirsylaj ka qenë profesor në Universitetin e Prishtinës, në Fakultetin e Bujqësisë dhe të Veterinarisë dhe drejtor i Institutit Hidrometeorologjik të Kosovës (IHMK).
Ai mbahet në mend nga publiku për parashikimin e shpejtë dhe të saktë të motit.
Prof.Dr.Sylë Tahirsylaj, i takon plejadës se parë të intelektualëve të Isniqit.
Ai rrjedhe nga një familje patriotike, pinjolli i derës së Tahir Sylës, mjekut i cili i mjekoj plagët e heroit kombëtar Isa Boletini, i plagosur në lufte me forcat e Xhavit Pashës.
Familja Tahirsylaj, në vazhdimësi ka kontribuar në luftërat për çlirimin kombëtar, qysh nga koha e Lidhjes Shqiptare të Prizrenit e deri në luftën çlirimtare të viteve 1998-1999.
Syla, i doktoruar për meteorologji pranë Universitetit të Tiranës, ishte profesor shumë vjeçar i Universiteti të Prishtinës dhe drejtor i Institutit Hidrometeorologjik të Kosovës.
Punën dhe të arriturat shkencore, ai ka lënë gjurmë me rendësi për gjeneratat e reja.
Lutem për shpirtin e tij, që Zoti i Plotfuqishëm të shpërbleftë me Xhennet.
(shkruar nga: Dr.Shkodran Imeraj)
