KV Drita fillon me kompletimin, komponon ekipit për stinorin e ri, nënshkruan me Dhurata Sylejmani
Klubi i Voljebollit Drita në Konkurrencën e femrave, kampione e shumëfishtë në konkurrencën e femrave, ka filluar përgatitjet për sfidat që e presin në rrafshin kombëtar e ndërkombëtar për edicionin 2023/2024.
Sipas njoftimit nga Klubi, është kompletuar transferimi i Dhuratë H. Sylejmani.
“Këtë vit pjesë e ekipit tonë do të jetë edhe Lojtarja e mirënjohur e Kombëtares së Kosovës, Dhuratë H. Sylejmani”, shkruan faqja zyrtare e klubit.
Siç mësohet po aty, Dhurata kthehet pas dy vitesh në radhët e KV Drita (femrat), po aty ku u bë Kampion gjatë karrieres së saj. Drita tani fillon kompletimin me ardhjen re që është në pozitën e lojtares anësore, e kush tjetër veçse ajo ishte ndër më të mirat kur Drita u stolis me titullin e 5-të.
Ajo tani është është 24 vjeçare, dhe vjen nga Ferizaji, qytet në të cilin edhe e kishte filluar karrierën e saj si voljbolliste vite më parë, pikërisht te KV Kastrioti.
“Dhurata gjatë karrierës ishte dhe luajti për KV Drita në vitin 2020/2021 kur klubi gjilanas u shpall Kampion i Kosovës. Dhurata vitin sa ishte te Drita shfaqi lojëra shumë të mira edhe me kombëtaren e Kosovës në kualifikimet për Kampionatin Evropian, ku më pas mori shumë oferta nga klube të ndryshme evropiane. Pas ofertave të shumëta, Dhurata zgjodhi të kaloj në Superligën Hungareze për ekipin “Diósgyöri VTK”, në të cilin ekip ishte lojtare kryesore, duke shkëlqyer me paraqitjet e saj”, shkruan faqja e KV Drita.
Në njoftimin zyratar më tej theksohet se Dhurata së fundi kishte luajtur te KV Fer Voley, prej nga transferohet te KV Drita.
“Kthehet prap te Drita të cilën sërish e gjenë Kampione. Edhe këtë vit së bashku me Dritën do të kenë të përbashkët vetëm një qëllim-fitore në çdo ndeshje në Kosovë dhe në Ligën “Gjergj Kastrioti-Skenderbeu” dhe po ashtu do të synoj paraqitje sa më të mira në ndeshjet ndërkombëtare ku Drita jonë do të merr pjesë”, përfundon njoftimi i kompletimit të transferimit të vlejbollistes nga klubi, duke e uruar atë me “Mirë se i bashkangjites Familjes Drita, Dhuratë”.
