Kryeziu: Hakmarrje e pastër për shkak të përkatësisë time politike
“Pas 13 vitesh Shef në Shërbimin e Urgjencës në Gjilan, pranova një vendim të nxjerrë nga ,,komisioni disiplinor” që më ul në pozitë dhe më ndalon avancimin për 5 vitet e ardhshme. Mungojke veq edhe “vendimi për pushkatim!””. Kështu është shprehur mjeku gjilanas, Ekrem Kryeziu, i cili këtë vendim e vlerëson të turpshëm, skandaloz, tendencioz dhe qartësisht hakmarrës!
“Pas 13 vitesh Shef në Shërbimin e Urgjencës në Gjilan, pranova një vendim të nxjerrë nga ,,komisioni disiplinor” që më ul në pozitë dhe më ndalon avancimin për 5 vitet e ardhshme. Mungojke veq edhe “vendimi për pushkatim!””. Kështu është shprehur mjeku gjilanas, Ekrem Kryeziu, i cili këtë vendim e vlerëson të turpshëm, skandaloz, tendencioz dhe qartësisht hakmarrës!
“Ai ka thënë tutje se është i papranueshëm presioni i ushtruar tash e sa kohë mbi të, siç ka thënë, nga lloj -lloj servili e individi brenda QKMF -së dhe nga jashtë dhe se ky vendim arbitrar e me procedura jashtë ligjore është absolutisht i pabazuar e i tëri tendencioz.
“Vlerësimet nga mbikëqyrësi im direkt i punës përherë i kam pasur maksimale. Klima e krijuar përbrenda QKMF-së është klimë presioni e hakmarrje e pastër për shkak të përkatësisë time politike të cilën nuk e kam fshehur dhe nuk do ta fsheh asnjëherë dhe se ndihem shumë krenar për të”, thotë Kryeziu, që i takon Partisë Demokratike të Kosovës (PDK).
Dr Kryeziu bënë me dije se sigurisht që kjo nuk do të mbetet me kaq, do t’i ndjek të gjitha procedurat e nevojshme ligjore.
“Sepse dinjitetin e integritetin tim njerëzor e profesional dhe punën e kontributin tim të gjatë në këtë institucion nuk do të lejoj të shkelet dhe të përdhoset për teke të individëve dhe atyre që duan të shërojnë komplekset e tyre, që qëllim kryesor në jetë kanë hakmarrjen e inatet personale dhe politike e realizimin e interesave e ambicieve të tyre”, thitë tutje Kryeziu,
Ai shpreht edhe se në fund dikush do të skuqet e turpërohet, dhe do të kuptojnë sa shumë kanë qenë të manipuluar e që nuk kanë qenë asgjë më tepër veç një vegël për një përdorim.
“Për sqarim të mëtutjeshëm konsideroj se janë të pabazuara dhe tendencioze të gjitha ‘arsyet’ e përmendura në Vendim të Komisionit , dhe këtë e mbështesë në këto fakte”, sqaron tutje Kryeziu, duke i listuar faktet e tija si më poshtë:
1. Mjekët vullnetarë që kanë punuar në Urgjencë kanë qenë të liçencuar për punë të pavarur brenda territorit të Republikës së Kosovës.
2. Ata kanë qenë mjekë vullnetarë me vendim nga ana e Këshillit Drejtues të QKMF-së.
3. Mjekët për punë në Urgjencë janë dërguar nga Kryeshefi i QKMF-së pas kërkesës sime për të shtuar mjekë në shërbim.
Pasi që mjeku i ndërrimit ka qenë në pushim vjetor dhe nuk kemi pasur mjekë të tjerë rezervë brenda Shërbimit të Urgjencës për të zëvendësuar mjekun që ishte në pushim vjetor.
Për informatën tuaj në Urgjencë janë 4 mjekë që punojnë në orarin 12 orësh dhe për çdo rast të pushimit vjetor apo mjekësor të mjekëve duhet angazhuar staf shtesë nga Shërbimet tjera të QKMF-së që janë bërë nga Kryeshefi i QKMF-së.
Unë nuk e kam përcaktuar se kush duhet me ardhë në ndërrim, unë kam kërkuar mjek.
5. Raste të ngjashme të punës vullnetare nga mjekë e infermierë vullnetarë ka pasur edhe më herët.
6. Unë si shef i Urgjencës kam respektuar hierarkinë. Doktorët për punë në Urgjencë i ka dërgu Kryeshefi dhe rrjedhimisht nuk barti kurrfarë përgjegjësie.
Në arsyetim Komisioni ka theksua që mjekët kanë kujdestaru, çka nuk është e vërtetë pasi që ata kanë punu me orar të rregullt 12 orësh.
Komisioni ka theksu se libri ku janë shënuar mjekët ka qenë libër i kujdestarisë, çka nuk qëndron pasi që ai është libër ku regjistrohet stafi që punon në orarin 12 orësh në Urgjencë. Unë dyshoj që Komisioni qëllimisht i ka shtrembëruar këto fakte dhe konsideroj që vendimi ka qenë i ndikuar dhe hakmarrës.
“Element shtesë që e bënë këtë vendim jo të qëndrueshëm dhe jo të drejt është edhe fakti që kryetari i Komisionit ka pasur dhe ka konflikt interesi direkt, pasi që i njëjti ka shprehur haptazi ambiciet për të qenë shef i Shërbimit të Urgjencës. Pastaj ka qenë vartës i imi dhe gjithashtu ka pasur të shqiptuar masë disiplinore nga ana ime për shkak të sjelljeve jo të mira me kolegët. Për më tepër kryetari i Komisionit vet e ka inicu procedurën e jo mbikqyrësi im ( që është shkelje tjetër). Dhe vet e ka marrë vendimin duke ushtruar presion të vazhdueshëm te anëtarët e Komisionit e që ka rezultuar që një anëtar i Komisionit të jep dorëheqje e i cili më pastaj është zëvendësuar nga një anëtar tjetër dhe në afat rekord është marrë vendimi pa më dëgjuar mua paraprakisht pas seancës së parë dhe të vetme ku unë kam marrë pjesë dhe ku kam kërkuar që pretendimet e Komisionit të më dorëzohen në formë të shkruar”.thotë Ekrem Kryeziu.
