Kryetari Alban Hyseni pritet nga deputeti i Partisë Laburiste, Alex Sobel
Kryetari i Komunës së Gjilanit, Alban Hyseni, po qëndron për vizitë në Mbretërinë e Bashkuar, ku është pritur në parlament nga deputeti i Partisë Laburiste, Alex Sobel.
Në takim është biseduar lidhur me thellimin e bashkëpunimit në mes institucioneve.
I pari i komunës, tha se gjatë qëndrimit në Londër, pati nderin të vizitoj Parlamentin e Mbretërisë së Bashkuar dhe të pritem nga deputeti i Partisë Laburiste, Alex Sobel, një mik i dëshmuar i Kosovës dhe zë i fuqishëm i saj në arenën ndërkombëtare.
“Biseduam për rëndësinë e thellimit të bashkëpunimit ndërmjet institucioneve tona dhe për mbështetjen e vazhdueshme që Britania e Madhe i jep Kosovës, veçanërisht në fushat e sigurisë, zhvillimit dhe integrimit ndërkombëtar”, tha Alban Hyseni.
Kryetari i Gjilanit, theksoi se lidhjet historike ndërmjet Kosovës dhe Partisë Laburiste janë të thella dhe të qëndrueshme dhe ky takim ishte një konfirmim i fortë se kjo miqësi po vazhdon me përkushtim të njëjtë edhe sot.
“Faleminderit deputetit Sobel për mikpritjen dhe për mbështetjen e palëkundur ndaj Kosovës”, tha kryetari Alban Hyseni.
