Kosova merr fitoren e madhe dhe kalon në Play Off – por vëmendjen e madhe e merr ky veprim i Asllanit (VIDEO)
Kosova ka arritur një fitore madhështore ndaj Sllovenisë, duke mbajtur gjallë ëndrrën për kualifikimin historik në Kupën e Botës 2026.
Sfida nisi me ritëm të lartë dhe që në minutën e 6-të, Fisnik Asllani ndezi shpërthimin e festës. Me një goditje tokazi me të djathtën, ai dërgoi topin në rrjetë, duke e çuar Kosovën në avantazh.
Ndërsa stadiumi shpërtheu në brohoritje, Asllani i dha emocion edhe më të madh publikut duke e festuar golin me simbolin e shqiponjës me duar – një gjest krenarie dhe identiteti që ndezi edhe më shumë atmosferën mes tifozëve dardanë.
Vendasit u përpoqën të reagojnë, por skuadra e trajnerit Foda ishte perfekte në mbrojtje. Në pjesën e dytë, gjithçka u bë më e lehtë për Kosovën, pasi Sllovenia mbeti me një lojtar më pak pas kartonit të kuq të Stojanovic, ndërsa një autogol fatal vulosi ndeshjen.
Me këtë triumf, Kosova vazhdon të besojë fort në ëndrrën e madhe – Botërori 2026 është më afër se kurrë!
