KOMUNIKATË PËR MEDIA – Takim bashkëpunues i Drejtorit të Drejtorisë rajonale të Policisë në Gjilan dhe DKA Gjilan
Gjilan, 15 nëntor 2023 – Takim i Drejtorit të Drejtorisë rajonale të Policisë në Gjilan dhe DKA Gjilan, për realizimin e pilot projektit ‘’Iniciativa për shkolla të sigurta’’ dhe prezantimi i punës së policisë rreth sigurisë së shkollave, njofton Policia rajonale, raporton TV Gjilani.
Drejtori i Drejtorisë rajonale të Policisë në Gjilan, Kolonel Agron Rukiqi me stafin e tij kanë mbajtur takim me Drejtorin e DKA-së, Gjilan znj.Albana Demiri dhe Drejtorët e shkollave të mesme të larta dhe të ulëta të komunës së Gjilanit.
Në këtë takim Drejtori i Drejtorisë rajonale të Policisë në Kolonel Agron Rukiqi, i njoftoj te gjithë të pranishmit për aktivitet policore, gjendjen e sigurisë në shkolla, aktivitetet preventive që policia po ndërmerr për afrimin e sigurisë së nxënësve nëpër shkolla, për modalitetet e punës dhe bashkërendimit të aktiviteteve të policisë me përfaqësues dhe drejtues të shkollave në komunën e Gjilanit në tersi.
Në vazhdim Komandanti Stacionit të Policisë Major Agim Lipovica prezantoi aktivitetet e policisë për sigurinë në shkolla dhe punën një vjeçare për gjatë vitit shkollor 2002/23, në shkollat e komunës së Gjilanit.
Po ashtu në këtë takim pune Togeri Fatos Latifi, Koordinator për Projekte në Komunitet dhe Parandalim shpalosi pilot projektin “Iniciativa për shkolla të sigurta” themelimi i këshillave të sigurisë nëpër shkolla, rroli dhe rëndësia e këshillave në shkolla, mënyra e funksionimit të këshillave dhe misioni i tyre etj.
Aktivitetet e policisë për sigurinë në shkolla dhe bashkëpunimi i policisë me zyrtaret komunal të arsimit dhe stafit mësimor dhe drejtuesit e shkollave u vlerësua lartë nga drejtori i DKA-së, dhe drejtuesit e 8 shkollave të mesme dhe 23 shkollave fillore, dhe njiherit shprehin mirënjohje dhe falënderim për punën e policisë për sigurinë dhe aktivitetet policore që afrojnë shkollave në përgjithësi.
