Komuna e Vitisë dhe “AvicenaKS” nënshkruajnë një dokument që siguron radiologjinë falas gjatë muajit tetor
Zv.kryetari i komunës së Vitisë, Hasan Aliu i shoqëruar nga drejtoresh e QKMF-së, Vjollca Kadolli-Halili dhe drejtoresha e Financave, Milihate Ajeti, kanë pritur sot në takim përfaqësues nga rrjeti i poliklinikave “AvicenaKS”.
Me këtë rast është nënshkruar një dokument ku “AvicenaKS” do të marrë përsipër pagesën e një radiologu në Viti që do të bëjë një herë në javë falas kontrolle mjekësore dhe atë me ultrazërin e gjirit për gratë apo vajzat që kanë dyshime për ndonjë ndryshim në gji.
Nënshkrimi i këtij dokumenti është vetëm një nga aktivitetet që kanë organizuar komuna e Vitisë, konkretisht QKMF-ja në Viti në kuadër të aktiviteteve të shumta që do të mbahen në muajin tetor që njihet si si muaji i ndërgjegjësimit kundër kancerit të gjirit.
