Komuna e Gjilanit shpërndau ndihma higjienike, LDK reagon: “Tentim i mjerë për blerje të votave!”
Në një reagim përmes faqes së saj në rrjete sociale, Lidhja Demokratike e Kosovës në Gjilan ka adresuar kritika të mëdha në drejtim të Komunës së Gjilanit, gjegjësisht kryetarit Hyseni.
Sipas LDK-së, shpërndarja e ndihmave në këtë periudhë të fushatës zgjedhore është tendencë për blerje të votave, ndërsa vepin e e ka cilësuar “të shëmtuar” nga aspekti vizuel.
“Tentimi i mjerë për blerje të votës përmes shpërndarjes së ndihmave në fushatë zgjedhore është pamja më e shëmtuar e ekzetutivit të Gjilanit”, ka shkruar faqja e LDK-së
POSTIMI I PLOTË REAGUES NGA LDK – DEGA GJILAN
Tentimi i mjerë për blerje të votës përmes shpërndarjes së ndihmave në fushatë zgjedhore është pamja më e shëmtuar e ekzetutivit të Gjilanit
Dje u shpërndanë pako ushqimore e higjienike nga nga Komuna e Gjilani për 500 për familje në nevojë dhe ky nuk është donacion nga ndonjë organizatë, por janë mjete të taksapaguesve, të cilat po keqpërdoren nga ekzekutivi i VV-së për fushatë.
E keqja më e madhe është se këto mjete janë zotuar në dhjetor, por tek tani e panë të rrugës të shpërndahen. Kjo flet shumë për logjikën e shëmtuar të pushtetit aktual dhe për mënyrën se si këta i trajtojnë qytetarët tanë.
Por, kot e keni. Këto do të mbesin vetëm tentime sepse gjilanasit tashmë ia kanë konfirmuar LDK-së besimin dhe mbështetjen në formë plebishitare më 9 shkurt, të cilët i falënderojmë deri në përulje!
