Komuna e Gjilanit dhe “Qatar Chariby” dorëzojnë çelësat e shtëpive për 8 familje në nevojë
Kreu i Komunës së Gjilanit Alban Hyseni, përmes faqes së tij në facebool, ka bërë të ditur dhurimin e çelësave të 8 shtëpive të ndërtuara për 8 familje në nevojë në Komunëne Gjilanit.
Dhurimin e çelësave të shtëpive të reja për 8 familje në nevojë, kreu i Komunës së Gjilanit e ka cilësuar “shpresë të re” për këta banorë.
“Sot, një shpresë e re lindi për 8 familje të komunës së Gjilanit! Jam më se i lumtur të ndaj me ju lajmin se nga sot e tutje 8 familje me kushte të rënda ekonomike do të jetojnë në shtëpitë e tyre të reja”, ka shkruar Kryetari Hyseni.
Ai më tej ka bërë të ditur se së bashku me drejtorin e “Qatar Charity”, Esam Dabab, kanë dorëzuar çelësat për familjet përfituese, ndërsa është shprehur falënderues dhe mirënjohës ndaj kësaj organizate nga Katari për bashkëfinancimin e këtij projekti jetik.
“Ne do të vazhdojmë me projekte të tilla edhe në të ardhmen, ashtu që pak nga pak të ndihmojmë familjet të cilat vërtetë kanë nevojë, ka përfunduar Hyseni.
