Komisioni Qendror Zgjedhor nuk rekomandon shtyrjen e zgjedhjeve në veri
Komisioni Qendror Zgjedhor në mbledhjen e së shtunës nuk rekomandoi shtyrjen e zgjedhjeve.
Anëtarët e këtij institucioni thanë se i janë drejtuar me një shkresë Presidentes Vjosa Osmani, duke konfirmuar se janë të gatshëm të kryejnë detyrat e parapara me ligj dhe kushtetutë.
Anëtari Ilir Gashi siç njofton kp, deklaroi se në mbledhjen e mbyllur që është mbajtur të premten është konstatuar që Komisioni Qendror i Zgjedhjeve është i gatshëm të mbajë zgjedhjet.
Ndërsa, Arianit Elshani tha se përderisa ka deklarime publike nga institucionet e sigurisë se situate është e menaxhueshme atëherë duhet të vijohet me planin operacional për mbajtjen e zgjedhjeve dhe të vijohet me fazat që janë paraparë.
https://www.arkatanagjilan.com/?fbclid=IwAR1RnPaNTrInai62vXzLDd3H8UUeNI6cZPLR-aO87tLzbYu0xtyyKhq_8nM
Kryeshefi ekzekutiv i Sekretariatit të Komisionit Qendror të Zgjedhjeve, Burim Ahmetaj, deklaroi se ndryshe nga raportimet në media, zyrtarët komunalë të KKZ të katër komunave veriore kanë deklaruar se nuk i ikin përgjegjësisë në lidhje me mbajtjen e zgjedhjeve në veri.
Që nga e enjtja në mbrëmje në komunat veriore kanë ndodhur disa shpërthime të shok-bombave e të shtëna me armë zjarri, ndërsa pas kësaj janë shtuar patrullimet dhe prezenca policore. Po të enjten në mbrëmje, nga grupet ekstremiste në atë pjesë të vendit është sulmuar një patrullë policore, ku ka mbetur i lënduar një polic. Sulme ka pasur edhe ndaj gazetarëve.
Zgjedhjet për kryetarë të komunave veriore janë caktuar të mbahen më 18 dhjetor, ndërsa ato për kuvende komunale më 25 dhjetor. E para disa ditëve, derisa zyrtarët e KQZ-së bashkë me zyrtarë policorë janë penguar që të hyjnë në ambientet e KKZ-ve në komunat veriore.
