Komandanti i KFOR-it turk, Zafer Sagllam viziton Spitalin e Gjilanit, pritet nga drejtori Arsim Emini
Në njoftimin e faqes zyrtare të Spitalit të Përgjithshëm në Gjilan, theksohet bashkëpunimi dhe përkushtimi i stafit mjekësorë në ndihmën e dhënë ndaj ushtarakut pacient nga stafi i KFOR-it turk, i cili iu nënshtrua një opercioni kohë më parë, e që rezultoi i suksesshëm, shkruan faqja e SP-Gjilan, përcjell Tv Gjilani.
“Sot kishim kënaqësinë që në ambientet e Spitalit të Përgjithshëm të Gjilanit të presim komandantin e KFOR-it turk në Kosovë, kolonel Zafer Saglam me bashkëpunetorët e tij. Koloneli Saglam së pari na u falenderua për shërbimin e dhënë nga ne në operacionin e një ushtari turk të KFOR-it i cili në nëntor të vitit të kaluar iu nënshtrua një operacioni kirurgjik në spitalin tone”, thuhet fillimisht në njoftim.
Ndërsa në takim janë diskutuar edhe vështirësitë si dhe të arriturat e këtij institucioni të shëndetësisë.
“Më tutje koloneli pasi shprehu interesimin e tij për të arriturat dhe sfidat e spitalit tonë, u interesua edhe për ndihmën që mund të na ofroj KFOR-i Turqisë dhe organizatat e tjera nga shteti mik i Turqisë.
Ne e vleresuam ndihmen e Turqisë mike për Republikën tonë dhe besimin e treguar nga ushtarët e KFOR-it turk për të marrë shërbime në spitalin tone”, kanë shtuar drejtuesit e spitalit.
Më tej shtohet se janë shkëmbyer dhurata modeste, por shumë domethënëse, ndërsa palët janë ndarë me pajtimin për thellim të mëtejmë të bashkëpunimit në mes të Spitalit të Përgjithshëm në Gjilan dhe KFOR-it turk.
