Këtë vit do të fillojë ndërtimi i katër mijë banesave për çiftet e reja, thotë Kurti
Gjatë seancës së Kuvendit, kreu i Ekzekutivit Albin Kurti ka folur edhe për projektin për ndërtimin e katër mijë banesave për çiftet e reja.
LEXO EDHE:
Ky ishte një ndër premtimet gjatë fushatës së tij, prandaj Kurti ka thënë se këtë vit do të fillojë realizimi i këtij projekti, duke shtuar se pritet që kostoja e këtij projekti do të jetë përafërsisht 200 milionë euro.
“Projekti për banim të përballueshëm është projekt unik dhe zbatohet për herë të parë në Kosovë. Ky projekt është krejt i ndryshëm prej banesave sociale, e që për këtë është aprovuar kredia prej 25 milionë eurove nga Banka Zhvillimore e Këshillit të Evropës dhe shumë shpejt pritet të vijë në Kuvend si projektligj, si marrëveshje”, u përgjigj Kurti.
LEXO EDHE: Lokale me qera ne qender te Gjilanit –
Ai më tej shtoi se “Ministria e Mjedisit, Planifikimit Hapësinor dhe Infrastrukturës, më 16 shkurt 2022, ka nënshkruar marrëveshje për fizibilitetin me IFC-në (International Finance Coorporation), për banim me kosto të përballueshëm. IFC-ja si pjesë e Bankës Botërore më 1 shkurt 2023 ka prezantuar forma se si mund të zbatohet ky projekt në Kosovë. Sipas IFC-së, kostoja e ndërtimit është përafërsisht 200 milionë euro”.
Kurti tha se shpreson që komunat e tjera ta ndajnë tokën komunale për realizimin e këtij projekti, teksa tregoi se Komuna e Prishtinës, ajo e Pejës dhe e Gjilanit kanë bërë një gjë të tillë.
