Kamenicë: Mbahen dëgjimet buxhetore në fshatrat Karaçevë e Epërme dhe Karaçevë e Poshtme
Drejtoria për Buxhet dhe Financa ka filluar me mbajtjen e dëgjimeve buxhetore, dhe dëgjimet e radhës janë ato të mbajtura në fshatrat Karaçevë e Epërme dhe Karaçevë e Poshtme
Të pranishëm në këtë dëgjim buxhetor ishin: Kryesuesi i Kuvendit Komunal Liridon Kastrati, drejtorët Ardita Dërmaku e Blerim Murina si dhe zyrtarë të tjerë komunal.
Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2025.
Drejtoresha Dërmaku ka prezantuar buxhetin për vitin 2025, si dhe ka specifikuar shumën e ndarë për investime kapitale.
Dëgjimet buxhetore do të vazhdojnë të mbahen edhe në lokalitetet e tjera të Komunës së Kamenicës.
