James me një tjetër paraqitje fantastike, Lakers marrin fitoren e katërt radhazi
Los Aneles Lakers ka marrë fitoren e katërt radhazi në elitën e basketbollit amerikan NBA.
Gjiganti amerikan ka mposhtur para tifozëve të vet Atlanta Hawks me 16 pikë diferencë 130:114 dhe kjo është hera e parë këtë edicion që marrin katër fitore të njëpasnjëshme.
Si gjithmonë, LeBron James ka qenë më meritori për këtë fitore të skuadrës nga Los Angelesi, pasi ka dhuruar një tjetër shfaqje të bukur.
38-vjeçari e mbylli ndeshjen ndaj Hawks me dyshifrorë të dyfishtë ku shënoi 25 pikë, pati 10 kërcime e shtatë asistime.
Me lojë të mirë u dallua edhe Kendrick Nunn që shtoi 23 pikë, derisa fundori gjerman Dennis Schroder realizoi 21 pikë të tjera.
Trae Young ishte më efikasi tek mysafirët pasi e mbylli ndeshjen me 32 pikë e nëntë kërcime, por që nuk ishin të mjaftueshme për fitore.
