IPK rekomandon suspendimin e një polici, dyshohet se shtiu me armë në një incident në Kamenicë
Suspendohet një polic në Komunën e Kamenicës pasi ka shtënë për motive akoma të paqarta sipas policisë.
Zyrtari Policor dyshohet të ketë përdorur armën e tij duke shtënë për motive të pa qarta deri më tani.
“Hetuesit e IPK-së kanë filluar të ndërmarrin veprime hetimore pas pranimit të informacioneve për një incident që ka ndodhur mbrëmë në një fshat të Komunës së Kamenicës ku i përfshirë dyshohet të jetë zyrtari policor”, thuhet në njoftimin e Policisë së Kosovës.
Njoftimi i plotë nga Inspektoriati i Policisë së Kosovës:
Komunikatë për media
IPK rekomandoi suspendimin për një zyrtar policor
Prishtinë/ Kamenicë, 06 korrik 2025
Bazuar në autorizimet ligjore, IPK i ka rekomanduar Policisë së Kosovës suspendimin e përkohshëm ndaj një zyrtari policor të Stacionit Policor Qendra, Drejtoria Rajonale e Policisë Prishtinë.
Hetuesit e IPK-së kanë filluar të ndërmarrin veprime hetimore pas pranimit të informacioneve për një incident që ka ndodhur mbrëmë në një fshat të Komunës së Kamenicës ku i përfshirë dyshohet të jetë zyrtari policor.
Nga veprimet hetimore fillestare dyshohet se zyrtari në fjalë ka përdorur armën jashtë detyrës zyrtare duke shtënë me armë për motive të paqarta deri më tani.
Prokuroria Themelore në Gjilan është njoftuar për rastin dhe ka autorizuar IPK-në të fillojë procedurat hetimore preliminare lidhur me dyshimin për veprën penale “Përdorimi i armës apo mjetit të rrezikshëm” përderisa rasti është duke u zhvilluar në procedurë të rregullt kurse arma është sekuestruar për qëllime të ekzaminimeve të mëtutjeshme.
Hetuesit e IPK-së do të vazhdojnë të ndërmarrin edhe veprime tjera hetimore në koordinim me prokurorinë kompetente drejt ndriçimit të të gjitha rrethanave lidhur me këtë incident.
Me respekt;
Divizioni për bashkëpunim dhe informim
Inspektorati Policor i Kosovës
