Intelektualëve i ndalohet të udhëtojnë për ta përkrahur Drtitën ndaj Prishtinës
Prishtina dhe Drita do të takohen të mërkurën në kuadër të xhiros së 21-të në Albi Mall Superligë.
Por derbi më i madh kosovar pritet të jetë i zbehtë në tribuna, pasi tifozët e Dritës, Intelektualët nuk do të kenë drejt të udhëtojnë.
Sa herë janë përballur këto dy ekipe të mëdha kosovare tifozët ‘Plisat’ dhe ‘Intelektualët’ kanë dhuruar spektakël në tribuna.
Por pas që ka bërë kërkesë FC Prishtina në Policinë e Kosovës, është vendosur që në këtë duel t’i ndalohet prezenca tifozëve mysafirë.
LEXO EDHE: LOKALI LËSHOHET ME QËRA
Njoftimi i plotë nga FC Prishtina:
FC Prishtina pas kërkesës në Policinë e Kosovës, ndeshjen e xhiros së 21-të në Albi Mall Superligën e Kosovës në futboll ndaj FC Dritës, ka vendosur që ta zhvillojë pa prezencën e tifozëve mysafirë në mënyrë të organizuar.
Një vendim i tillë ka ardhur për shkak të kushteve të sigurisë në stadium.
Klubi jonë kërkon mirëkuptim pasi po përballet me mungesë stadiumi për shkak të punimeve në “Fadil Vokrri” dhe në këto rrethana jemi të detyruar të zhvendosemi në stadiume të tjera.
Dueli FC Prishtina – FC Drita zhvillohet të mërkurën nga ora 13:00h.
