Iku në përjetësi, mësuesi veteran, Sylejman Ahmeti nga Hogoshti i Kamenicës

Në orët e hershme të së premtes, 17 maj 2024, ndërroi jetë mësuesi veteran Sylejman Ahmeti nga Hogoshti i Komunës së Kamenicës.

Një personalitet i rrallë e modest, i zellshëm në punë e familje, i përkushtuar e i afërt dhe miqësorë me të gjithë, e mbi të gjitha një pedagog i devotshëm dhe i ërkushtuar, Sylejamn Ahmeti nga Hogoshti, ka ndërruar jetë në moshën 84 vjecare.

Sylejman Ahmeti, I lindur në vitin 1940, i përket pleiadës së pedagogëve të gjeneratave të hershme të të 60-ve, të diplomuar në normalen e Gjilanit, i cili një jetë të tërë ia kushtoi edukimit e arsimimit të shumë gjeneratave të nxënësve të shkollës “Skënderbeu” në Hogosht të komunës së Kamenicës.

Përvec pedagog e i dashur për nxënësit e me nxnësit, Sylejaman Ahmeti ishte një personalitet i shquar i jetës publike në mjedie rurale, që jetoi e veproi duke kaluar pjesën më të madhe të jetës në punë permanente, duke u angazhuar edhe në bujqësi e blegëtori, krahas asaj pedagogjike.

Sylejman Rexhep Ahmeti (1940 – 2024), viteve të fundit ka jetuar së bashku me familje në Fushë Kosovë, ku ndërroi jetë.

I ndjeri la pas vetes bashkëshorten, dy djemë dhe nipa e mbesa të shumtë.

Sipas njoftimit të familjarëve, varrimi i mësuesit veteran, Sylejamn Ahmeti bëhet të premten më 17 maj në varrezat e fshatit Hogosht të Komunës së Kamenicës.