Hyseni: Takuam të rinjë e gra, folëm për përfshirje në vendimmarrje, pimë cafe e vizituam muzeun
Kandidati i Lëvizjes Vetëvendosje në Gjilan, Alban Hyseni, i cili synon mandatin e dytë për të udhëhequr me komunën, gjatë ditës ka prezantuar në faqen e tij në rrjete sociale disa nga kandidatët që garojnë në zgjedhje lokale nga radhët e LVV-së, ndërsa më pas ka takuar të rinjë dhe gra gjilanase, me të cilat ka diskutuar tema me interes.
Hyseni ka thënë se me ta ka biseduar një mori temash me interes reciprok, ndërsa kanë vizituar së bashku edhe objekte të trashëgimisë kulturore.
“Pasditen e kaluam me të rinjtë dhe gratë e Gjilanit, ku biseduam për përfshirje më aktive në vendimmarrje dhe për shtimin e aktiviteteve në qytet. U ndalëm edhe në Muzeun e Qytetit, ku pamë nga afër historinë dhe kujtesën tonë të përbashkët”, ka shkruar Hyseni në faqen e tij.
Në fund, Hyseni ka shkruar se kanë mbyllur ditën e shtunë apo ditën e parë të fushatës me kafe në njërin nga lokalet e sheshit të qytetit.
