Hyseni: Për herë të parë në komunën e Gjilanit, qytetarët vendosën se ku duan të investojnë mjetet e ndara nga komuna
Kryetari Hyseni ka shkruar në faqen personale në facebook se “për herë të parë në komunën e Gjilanit, qytetarët ishin ata që kanë vendosur se ku duan të investojnë mjetet e ndara nga komuna”.
Këto komente Hyseni i ka bërë pas takimeve të fundit me strukturat e fshatrave dhe Bashëksive Lokale të Komunës së Gjilanit, të mbajtura gjatë javës së kaluar, ndërsa ka theksuar se “bashkërisht do të ndërtohet një qytet më i mirë për të gjithë”.
“Me transparencë të plotë e gjithëpërfshirje, organizuam dëgjime buxhetore me gratë, të rinjtë dhe banorët e fshatit Zhegër, Miresh e Bresalc, ku banorët vetëpropozuan dhe më pas votuan projektet prioritare për komunitetin dhe lokalitetet e tyre”, ka shkruar Hyseni.
Kreu i komunës së Gjilanit, paralelisht me postimin ka bashkëngjitur një fotografi ku janë prezantuar grafikisht disa nga lokalitetet në të cilat janë parapa investime sipas kërkesave të banorëve rezidentë.
