Hyseni: Liqeni i Përlepnicës, tashmë është i pastër dhe i mbrojtur
Është bërë pastrimi i Liqenit akumulues në Përlepnicë nga mbeturinat. Ky aksion u realizua nga aktivistë dhe qytetarë.
Heqja e mbeturinave u bë me qëllim të sigurimit të ujit më cilësor dhe të pastër për qytetarët.
Kryetari i Komunës së Gjilanit, Alban Hyseni, tha se Liqeni i Përlepnicës, tashmë është i pastër dhe i mbrojtur
Ai tregoi se bashkë me aktivistë dhe qytetarë morën pjesë në pastrimin e Liqenit të Përlepnicës.
I pari i Gjilanit theksoi se ky aset i madh i komunës sonë do të mirëmbahet vazhdimisht, ku ne si komunë do të angazhojmë një punëtor të dedikuar për pastrimin dhe mirëmbajtjen e tij.
“Gjatë muajve në vijim do të bëhet vendosja e ndriçimit publik dhe kamerave të sigurisë, në bashkëpunim me Policinë e Kosovës, për të parandaluar mbeturinat dhe deponitë ilegale”, tha kryetari Alban Hyseni.
