Hyseni: Kemi në plan shumë aktivitete dhe nisma të reja për mërgatën

Komuna e Gjilanit, do të vazhdoi të ketë prioritet bashkatdhetarët, të cilët vlerësohen si pjesë vitale, pasuri e kombit dhe potenciali për zhvillim të vendit.

Duke parë se kontributi i diasporës ndihet dhe vlerësohet në çdo kohë dhe në secilin sektor, komuna do të rris aktivitetet dhe përkrahjen.

Kryetari i Komunës së Gjilanit, Alban Hyseni, tha se mërgata jonë është pjesë e rëndësishme e shoqërisë së Gjilanit.
“Zotohemi se do ta vazhdojmë mbështetjen dhe do ta forcojmë lidhjen me mërgatën tonë. Do të krijojmë Zyrën e Mërgatës, për t’i shërbyer më mirë dhe për të qenë më afër çdo qytetari tonë jashtë vendit”, tha Hyseni.

I pari i Gjilanit, theksoi se do të vazhdojnë me Forumin Ekonomik të Mërgatës, për të sjellë investime të reja dhe zhvillim ekonomik në Gjilan.

“Kemi në plan shumë aktivitete dhe nisma të reja për mërgatën tonë”, tha kryetari Alban Hyseni.